Hyfforddi i leihau niwed yn ystod beichiogrwydd a genedigaeth

Mae EMRTS wedi bod yn gweithio i leihau niwed a gwella diogelwch mamau yn ystod beichiogrwydd a genedigaeth.

Yn ddiweddar, cynhaliodd y gwasanaeth Hyfforddiant Obstetreg Amlbroffesiynol Ymarferol (PROMPT Cymru) yng nghanolfannau Ambiwlans Awyr Cymru yn Nafen a Chaernarfon, gan roi hyfforddiant obstetreg i'w staff a chyfle i ymarfer sgiliau clinigol a sefyllfaoedd brys.

Nod hyfforddiant PROMPT Cymru yw gwella canlyniadau amenedigol ac mae’n cael ei ariannu a’i gydlynu gan Gronfa Risg Cymru.

Dywedodd Sara Jelfs, Cynghorwr Bydwraig a Diogelwch a Dysgu gyda Chronfa Risg Cymru: “Mae’r adborth a gawsom gan gydweithwyr EMRTS a fynychodd ddiwrnodau hyfforddi PROMPT Cymru wedi bod yn hynod gadarnhaol, sy’n dyst i ymroddiad ac ymrwymiad EMRTS.”

“Mae’n wirioneddol ysbrydoledig gweld cymaint y gwnaeth pawb fwynhau a gwerthfawrogi’r digwyddiad. Mae ymdrechion pawb yn dod â ni’n agosach at wella canlyniadau i fenywod a babanod yn y gymuned.”

Ychwanegodd Kate Humphries, Arweinydd Addysg a Hyfforddiant EMRTS: Roedd hwn yn ddigwyddiad hyfforddi mor bwysig i ni, ac rydym yn gwerthfawrogi’n fawr y gefnogaeth a’r hyfforddiant y mae ein cydweithwyr yn PROMPT Cymru wedi’u rhoi inni i wella ein rheolaeth obstetreg. Rwy’n gobeithio mai hwn yw’r cyntaf o sawl achlysur pan fydd PROMPT Cymru ac EMRTS yn cael y cyfle i gydweithio.