Cyswllt Cleifion

Mae EMRTS Cymru wedi sefydlu darpariaeth newydd ar gyfer cleifion sydd wedi cael eu trin gan ei dimau gofal critigol. Bydd llawer o'r bobl y mae'r Gwasanaeth wedi'u helpu wedi cael triniaeth gofal critigol yn y fan a'r lle ond ni fydd ganddynt fawr o gof na dealltwriaeth o'r hyn a ddigwyddodd iddynt.

Yn ogystal, mae gan berthnasau lawer o gwestiynau yn aml ynghylch gofal cyn ysbyty. Trwy'r gwasanaeth ôl-ofal, a nyrsys cyswllt cleifion EMRTS, gellir llenwi rhai o'r bylchau hyn.

Mae gwefan benodol ar gyfer cymorth i gleifion ar gael yma

Trosolwg o'r Gwasanaeth Cyswllt Cleifion

Gall adferiad o salwch difrifol neu anaf fod yn hir ac yn heriol wrth i bobl symud rhwng gwahanol adrannau, ysbytai a chanolfannau adsefydlu cyn dychwelyd adref o'r diwedd. Trwy’r gwasanaeth cyswllt cleifion, bydd EMRTS yn gallu cefnogi cleifion a pherthnasau ar y daith honno, gan ddarparu cysondeb a chefnogaeth drwy gydol y daith, gan gynnwys ar ôl iddynt gael eu rhyddhau adref. Gall y cymorth hwn gynnwys ymweliadau dilynol ar gyfnodau amrywiol yn ystod adferiad a bydd yn amrywio o glaf i glaf yn dibynnu ar eu hangen. Gallai fod yn fuan ar ôl cael eu derbyn i'r ysbyty neu ar ôl iddynt gael eu rhyddhau adref, yn dibynnu ar ba mor hir y mae eu hadferiad yn ei gymryd. Prif ddiben yr ymweliadau hyn, a gohebiaeth ategol, yw rhoi esboniadau am yr hyn sydd wedi digwydd yn y fan a’r lle tra’n rhoi cymorth seicolegol i’r claf a pherthnasau.

Mae perthynas waith agos wedi datblygu gyda rhai o'r prif ysbytai sy'n caniatáu ymagwedd tîm amlddisgyblaethol at ofal cleifion, gan wella cyfathrebu i bawb dan sylw. Mae cysylltiadau wedi’u gwneud â sefydliadau trydydd sector eraill felly, ar gyfer cleifion sydd wedi cael salwch neu anafiadau sy’n newid bywyd, bydd amrywiaeth o gymorth ar gael yn hawdd, a bydd EMRTS yn gallu gweithredu fel pwynt cyswllt.

Cefnogaeth i Gydweithwyr Meddygol

Mae'r cymorth hwn hefyd yn ymestyn i bawb sy'n gweithio i EMRTS ac sy'n ymwneud yn uniongyrchol â digwyddiadau neu ymweliadau â chleifion, sy'n cael ei ffurfioli drwy gyflwyno rhaglen cymorth gan gymheiriaid.

Gwasanaeth Ôl-ofal Profedigaeth

Yn anffodus, nid yw rhai cleifion yn goroesi ac mae’n bwysig bod eu hanwyliaid yn cael eu cefnogi yn ystod y cyfnod anodd hwn, felly mae Gwasanaeth Ôl-ofal Profedigaeth yn cael ei gynnig i bob perthynas. Mae hyn yn rhoi cyfle iddynt ofyn cwestiynau, darganfod pa driniaeth a roddwyd a hefyd yn darparu gofod diogel i siarad am eu galar.

Cysylltwch

I gael rhagor o wybodaeth am y Gwasanaeth Cyswllt Cleifion, e-bostiwch emrts.patient@wales.nhs.uk neu ffoniwch 0300 3000 067. Ewch i'r dudalen hon i gwblhau arolwg adborth cleifion. Mae'r cod QR isod hefyd yn mynd â chi i'r arolwg cleifion. 

Component has been removed through translation. Check with originating site of what this should be.